Brandwag

  • is trots Afrikaans
  • is ´n akademiese hoërskool
  • bied ´n wye vakkeuse
  • is geleë in Uitenhage, Oos-Kaap
  • lewer jaarliks uitstekende matriekuitslae
  • blink uit op sport- en kultuurgebied
  • gee voorkeur aan akademie
  • beskik oor toegewyde personeel
  • is tradisievas
  • glo in Christelike waardes

It’s fine to celebrate success but it is more important to heed the lessons of failure.

Bill Gates

Brandwagters het 31 medaljes by die Uitenhage-Despatch distriksbyeenkoms ingepalm. Die graad 8’s wat rekords by interlaer opgestel het, het elk medaljes in hul items verower. Morné van der Berg het, benewens 1500 meter, ook medaljes in 800 meter en 3000 meter gewen. Ook Jay-Dee Smit het, behalwe die 300 meter hekkies, ook medaljes gewen vir 90 meter hekkies en hoogspring. Nog graad 8’s, Joanique Spies (400 en 800 meter), Yana Scheffer (300 meter hekkies en 1500 meter) en Elisca Streicher (gewigstoot en diskus), het ook hulle name by die medaljewenners gevoeg.

Die ander medaljewenners was Jade Connoway (gewigstoot en spiesgooi), Nalize van Straaten (1500 en 3000 meter), Demi Jonck (spiesgooi), Chadd Adams (100 en 200 meter), Caryn-Ann Howard (hoogspring), Octavian Muller (verspring en 100 meter), Damian Koopman (verspring en driesprong) en De Wet Westraadt (stap).

By die metro-atletiekbyeenkoms is Heike Groenewald (gewigstoot en diskus), Eliska Streicher (gewigstoot) en Chadd Adams (100 meter) onder die top 20 atlete van die byeenkoms aangewys.  

Heike Groenewald, Chadd Adams en Eliska Streicher

 


Altesaam tien rekords het vanjaar in die slag gebly by Brandwag se interlaer-byeenkoms. Merkwaardig, behoort 8 uit die 10 nuwe rekords aan graad 8-leerders.

Die graad 8’s wat Brandwag-rekords agter hulle name het, is Heike Groenewald (gewigstoot en diskus), Kaylee van Dyk (hekkies, 90 meter en 300 meter), Anika Ferreira (o.14 hoogspring en 90 meter hekkies), Jay-Dee Smit (300 meter hekkies) en Morné van der Berg (1 500 meter). Interessant genoeg het Anika, wat van die Patensie-omgewing is, tydens een van die uitdunne ’n ander Anika Ferreira van dieselfde omgewing se 1989-rekord verbeter – en sy ken “die tannie” wie se rekord dit was. Kort daarna het Kaylee egter in die finaal weer die rekord verbeter. Dieselfde o.14 90 meter hekkies rekord het dus twee keer op een dag gekantel.

Ander leerders wat ook Brandwag-rekords verbeter het, is Demi Jonck (spiesgooi) en Caryn-Ann Howard (hoogspring). Janique von Buchenroder het die 100 meter rekord geëwenaar.


Na ’n indrukwekkende vertoning in die streekkompetisie is Nerisha Greef, ’n graad 10-leerder in Brandwag, genooi om deel te neem aan die nasionale uitdunne van die Talent Africa-kompetisie. Talent Africa is ’n kompetisie vir uitvoerende kunste en is gestig om op nasionale en internasionale vlak blootstelling te gee aan talentvolle jongmense. Nerisha is genooi om aan die nasionale uitdunne van die dans- en model-afdelings van Talent Africa deel te neem. Na afloop van dié uitdunne word ’n span gekies om Suid-Afrika op Broadway in New York te gaan verteenwoordig.


Baie skoolseuns kan net droom van ’n vyftigtal in krieket; Richard Kunneke in gr.8 het dit reggekry om reeds in sy eerste twee wedstryde op hoërskool vyftigtalle aan te teken. Die o.14A’s se eerste kragmeting was teen Daniel Pienaar en Richard het ’n onoorwonne 53 lopies aangeteken om sy span se oorwinning te help verseker. In sy tweede wedstryd het Richard 65 nie uit nie in Brandwag se oorwinning oor Nico Malan aangeteken. Intussen is hy ook gekies vir die o.15 OP-tennisspan, ’n prestasie wat hy jaarliks herhaal al vandat hy o.10 was. Op die rugbyveld draf Richard as losskakel uit vir die o.14A-span. In sy eerste twee wedstryde teen Solomon Mahlangu en Queens College het hy ’n totaal van 38 punte opgestapel – twee drieë en 14 verdoelskoppe. Richard was verlede jaar hoofseun en dux-leerder van Laerskool Sonop en het in sy eerste kwartaal op hoërskool homself reeds stewig op die akademie top 10 gevestig met ’n gemiddeld van 89%. Onder sy klasmaats is hy veral bekend vir sy goeie algemene kennis.  

Richard kán kolf


Brandwag was net té vinnig en té flink vir die Liceo Rugby Club van Mandoza, Argentinië, wat op Uitenhage besoek afgelê het.
Brandwag se eerste span het die kragmeting 24-17 gewen nadat hulle rustyd 19-12 voor was.
Die Argentynse voorspelers het besonder goed in die skrums en rolmaalbewegings gevaar, maar kon nie al die gate toestop teen Brandwag se blitsige aanvalle nie. Die besoekers se sterk pak kon ook nie altyd eerste by die afbreekpunte kom nie.
Brandwag se entoesiastiese verdediging het die Liceo spelers se, soms indrukwekkende, agterlynbewegings telkens gefnuik. Onder dié druk het die besoekers foute begaan en balbesit afgestaan.
Chadd Adams het vir Brandwag ’n puik vertoning as skrumskakel gelewer. In die eerste helfte het die Argentyne die fout begaan om Brandwag se heelagter, Octavian Muller, onder die hoë bal te probeer toets. Dít was ’n groot fout, aangesien Muller telkens die Argentynse verdediging oopgekloof het.
In die tweede helfte het die Argentyne meer balbesit gehad, maar die tuisspan se aggressiewe verdediging het die besoekers se ritme té veel versteur om te kon inhaal.

Die oorwinning was reeds Brandwag se derde agtereenvolgende een van die seisoen, nadat die span Port Rex 47-0 by die Grenssportfees geklop het en Solomon Mahlangu 72-3 tuis geklop het.



We must use time wisely and forever realise that the time is always ripe to do right.

Nelson Mandela

Volg ons

facebook
sien meer foto's en nuus

ISSUU
lees dokumente

fm
luister saam

YouTube
kyk saam

Sêma'so
lees ons digitale skoolkoerant

Kalender
wat's volgende


Put your mind, heart, intellect and soul even to your smallest acts. This is the secret of success.

Swami Sivananda



nha cai uy tin , nha cai uy tin , tap chi me va be , casino truc tuyen , casino uy tin , casino tot nhat , danh bai , poker online , casino , bao ve viet nam , bao ve viet nam , suc khoe , thoi trang nam 2014 , suc khoe 2014 , shop thoi trang , tin tuc thoi trang phim le , hi tech , tin cong nghe , cong nghe , thoi su , tin moi , thoi trang , the gioi smartphone , cong nghe , may tinh bang gia re , dien thoai , su kien , game mobile , nghe si viet , the gioi nhac , nha cai , dien dan bong da , best bookies, clevermart.vn , goldcare.vn , phonereview.vn , tinhangngay.vn , sieuthisachnoi.com , doctruyentranh.tv , kinhthongminh.org , thietbithongminh.tv , sieuthithietbiso.org ,