Brandwag se eerste krieketspan het ’n derde agtereenvolgende tuisoorwinning opgestapel toe hulle Framesby met een paaltjie geklop het.  

Framesby het eerste gekolf en was almal uit vir 167 na 45 beurte. John Olivier was Framesby se beste kolwer met 47 lopies. Ruan de Ridder het 24 aangeteken.

Vir Brandwag het Lyle Matola (3 vir 11 in 8 beurte) en De Wet Alberts (2 vir 38 in 9 beurte) met die bal uitgeblink.

Op die kolfblad het Brandwag 170 vir 8 na 43 beurte ingesamel. Daniel Smith (52) was die beste kolwer vir die tuisspan. Handré Viljoen (42) en Dano Swart (23) was ook handig met die kolf. Henrico Green (15) het die wenlopies geslaan.

Framesby se beste bouler was JP Snyman met 3 paaltjie vir 32 in 9 beurte.

Intussen het Brandwag ook vir Victoria Park met 51 lopies weg van die huis af verslaan.





 

Brandwag se 1ste krieketspan het Daniel Pienaar met 57 lopies verslaan. Brandwag het eerste gekolf en 187 aangeteken. DP was almal uit vir 130. 

 

 





 

Brandwag se matriekklas van 2018 het ‘n 100% slaagsyfer behaal. 88,1% van die 138 matrieks het toelating tot graadstudie verwerf. Die klasgemiddeld is 62%. Die matrieks het 138 A-simbole en vyf A-gemiddeldes opgelewer. 27 matrieks het B-gemiddeldes behaal. Brandwag se volledige matriekuitslae volg hieronder.

Die vyf toppresteerders is: 

1 Chanri Strydom – 7 A’s & 90,4%

2 Kyla-Minette Steyn – 6 A’s & 88,2%

3 Ané Strydom – 6 A’s & 88,1%

4 Luan van Loggenberg – 6 A’s & 87%

5 Stefan Strydom – 6 A’s & 86%

 

 





 

Ouers kan rapporte Dinsdag, 4 Desember, van 6:30 tot 9:00 by die skool kom haal. Leerlinge kan ook gebruikte handboeke koop en verkoop. Lizaan Willemse van African Book Connection sal by die skool wees vir die koop en bestel van nuwe handboeke.

Kopieë van die skool se kalender vir 2019 sal ook beskikbaar wees.

2019 Bhs Kalender

 





 

Die AWSUM app is Brandwag se aangewese kommunikasiemedium met ouers. Om op hoogte van sake te bly, laai die app op u slimfoon af. Ouers, leerlinge en ondersteuners kan daarby baat vind.

Volg dié skakel vir Android en die een vir Apple.

 





 

Die Hoërskool Brandwag se sportsterre van die jaar is op 10 Oktober by die jaarlikse Sportdinee aangewys.

Alle sportpryse word tydens die Sportdinee oorhandig. Pryse vir akademie en kultuur word op die jaarlikse prysuitdeling oorhandig.

Oudspringbok Adri Geldenhuys was die gasspreker by die dinee en het die presteerders se pryse oorhandig. Die toppresteerders se pryse is deur die skoolhoof, mnr. S.G. Zietsman, oorhandig.

Junior Sportman en Sportvrou van die jaar

Die junior wenners is Anja de Beer en Kyle Erasmus. Anja is ’n SA-tennisspeler wat vroeër vanjaar saam met die SA o.17-span in Londen deelgeneem het, al is sy in die OP se o.15-span. Sy speel netbal vir die o.16A-span en het in skyfwerp aan die OP-kampioenskap deelgeneem. Anja het die trofee vir die beste sportprestasie van die jaar ontvang.

Kyle speel skaak vir die skool se A-span en rugby vir die o.16A’s. Hy het Brandwag by die metro-atletiekbyeenkoms verteenwoordig en speel vir die eerste krieketspan.

Senior Sportman en Sportvrou van die jaar

Octavian Muller en Caryn-Ann Howard is aangewys as die senior sportman en sportvrou. Octavian het deurgedring na die SA Junior Atletiekkampioenskap in verspring. Hy het vanjaar 29 drieë vir Brandwag se eerste rugbyspan gedruk. As lid van die o.18 OP-Cravenweekspan het hy ook twee drieë gedruk en nog vyf vir die o.17 OP-sewesspan.

Caryn-Ann het die OP o.17-span in hoogspring verteenwoordig by die SA Junior Kampioenskap in Kaapstad en die SA Hoërskolekampioenskap op Potchefstroom. In die Kaap het sy ’n bronsmedalje gewen. As verdediger het Caryn-Ann puik spel vir Brandwag se eerste netbalspan uitgestal en sy is ook vir die Oos-Kaap-span gekies. Sy moes egter onttrek aangesien sy in Julie modelwerk in Italië gedoen het.

 





Rig asseblief navrae aan die skoolhoof, soos vermeld op die advertensie.

VAKATURES 2019





Lees die Matriekblad 2018

2018 Matriekblad Final Colour Distribution 1

 

 





Brandwag hoofmeisie Chanri Strydom is die algehele wenner van The Herald/ABSA Matric of the Year 2018.

Vir haar uitnemende akademiese prestasies het Chanri ook die akademie-kategorie gewen.

Chanri volg in die voetspore van Andre Conradie wat in 2016 die medewenner was saam met Rebecca Thembi Mqamelo van Clarendon Girls High. André het in 2016 ook die akademie-kategorie gewen.

The Herald Matric of the Year is die oudste kompetisie van sy soort in die land. Jaarliks nooi dié koerant skole in die Oos-Kaap en Suid-Kaap om hul beste kandidate in te skryf. Twintig finaliste word uit meer as honderd inskrywings gekies.

Om in aanmerking te kom, moet ’n kandidaat ’n veelsydige leier wees met uitstaande prestasies in akademie, kultuur, sport en gemeenskapsdiens.

Twee Brandwagters, Chanri Strydom en Martelize Kruger, was vanjaar finaliste. Martelize was ook een van net 14 finaliste in die Volksblad/UV se Matriek van die Jaar-kompetisie.
Chanri beoog om volgende jaar medies aan die Universiteit van Stellenbosch te studeer, terwyl Martelize gekeur is vir optometrie aan die Universiteit van die Vrystaat.





Brandwag se matriekafskeid is op 28 September by die VWSA People’s Pavilion gehou. Sien die foto’s op Brandwag se Facebookblad of besoek ons publikasies op ISSUU by Album 1, 2 en 3.





nha cai uy tin , nha cai uy tin , tap chi me va be , casino truc tuyen , casino uy tin , casino tot nhat , danh bai , poker online , casino , bao ve viet nam , bao ve viet nam , suc khoe , thoi trang nam 2014 , suc khoe 2014 , shop thoi trang , tin tuc thoi trang phim le , hi tech , tin cong nghe , cong nghe , thoi su , tin moi , thoi trang , the gioi smartphone , cong nghe , may tinh bang gia re , dien thoai , su kien , game mobile , nghe si viet , the gioi nhac , nha cai , dien dan bong da , best bookies, clevermart.vn , goldcare.vn , phonereview.vn , tinhangngay.vn , sieuthisachnoi.com , doctruyentranh.tv , kinhthongminh.org , thietbithongminh.tv , sieuthithietbiso.org ,