’n Ondersteuningsfonds is gestig ten bate van Dano Swart.

Dano Swart (18) het ’n ernstige nekbesering opgedoen toe hy op 7 Mei 2019 aan OP-proewe deelgeneem het en word sedertdien in die hospitaal behandel. Hy maak stadig vordering maar is tans steeds in die waakeenheid.

Vóór sy besering was Dano onderkaptein van die eerste rugbyspan en het hy vanjaar reeds vir die tweede agtereenvolgende jaar as heelagter en gereelde stelskopper uitgedraf. Met Dano as kaptein het Brandwag se eerste krieketspan vanjaar ’n uitstekende seisoen gehad, veral danksy sy goeie bydraes met die kolf. Dano is ook ’n lid van die senior raad van leerders.

Maak gerus ’n bydra om ’n uitstaande jongman te help.

Naam: Dano Swart Ondersteuningsfonds NPC201925640508.
Bank: Nedbank
Takkode: 198765
Tjekrekeningnommer: 1190525437.

Enige finansiële bydrae moet asseblief in bogenoemde bankrekening inbetaal word.

Trustees is aangestel om die fonds te bestuur en Petrus van der Watt sal as ouditeur optree.

Vir die jongste nuus oor Dano se vordering besoek www.facebook.com/pg/BidvirDano.

 





Dis amper tyd vir Brandwag se jaarlikse reünienaweek, Saterdag, 1 Junie. Kom sien Brandwag se sportspanne in aksie teen Framesby. Kies en keur by die koshuisbasaar en geniet die steakbraai. 

Die sportprogram is hier beskikbaar.

 





Brandwag se Inligtingsaand vir graad 7’s en hul ouers vind plaas op 12 Junie om 17:30. Aansoekvorms vir 2020 is reeds by die skool beskikbaar.





Brandwag het gesweet om hulle jaarlikse kragmeting teen Muir College te 45-29 te wen. Muir het die eerste helfte teen die tuisspan oorheers en was teen rustyd 21-14 voor. Brandwag het egter met sterk spel in die tweede helfte die knoop deurgehaak. Op die foto is Brandwag se losskakel Tyron McCree op die aanval. Muir se heelagter Mzi Nontshiyana (links) en regtervleuel Athi Zenzile doen diens op die verdediging.





Op 7 Mei het die heelagter van Brandwag se eerste rugbyspan, Dano Swart, ’n ernstige nekbesering tydens OP-proewe opgedoen. Dano het dieselfde dag ’n noodoperasie ondergaan en is tans steeds in die hospitaal waar daar in die intensiewe sorgeenheid na hom omgesien word.

Dano ontvang vragte bemoedigende boodskappe van wyd en syd wat hoog op prys gestel word. Die skool doen egter ’n beroep op ondersteuners om die familie se “Bid vir Dano”-groep op die Telegram-toep te besoek vir nuus en nié die Swart-gesin, wat deur ’n moeilike tyd gaan, direk te kontak nie.

Slegs familie mag pasiënte in intensiewe sorg besoek. Die Telegram-groep bied aan almal die geleentheid om Dano sterkte toe te wens.

Hou die skool se webwerf en Facebook-blad dop vir nadere besonderhede in verband met reëlings om die familie prakties te ondersteun wat binnekort beskikbaar sal wees.

Dano is ’n matrikulant wat sedert die begin van verlede jaar vir die eerste rugbyspan uitgedraf het. Hy is ook die span se onderkaptein, kaptein van die eerste krieketspan, ’n belowende kolwer en ’n lid van die raad van leerders.

Sy twee ouer sussies was albei ook in Brandwag; die Swart-gesin is al baie jare deel van die Brandwag-familie.

Volg dié skakel om by die Telegram-groep aan te sluit.

 

 

 





Brandwag se eerste rugbyspan het sewe drieë gedruk vir ’n oortuigende 48-13 sege teen Daniel Pienaar tydens 2019 se FNB Classic Clash tussen dié twee skole. Dis die sewende agtereenvolgende keer dat Brandwag die Classic Clash teen Daniel Pienaar wen. Haker Gideon Serfontein is as die speler van die wedstryd aangewys na ’n inspirerende vertoning waarin hy twee drieë gedruk het. Octavian Muller het ook twee drieë vir Brandwag gedruk. Heelagter Dano Swart het vyf drieë verdoel en ’n strafskop tussendeur die pale gestuur.  

Alhoewel Brandwag en Daniel Pienaar al dekades teen mekaar rugby speel, is die jaarlikse kragmeting sedert 2006 as die FNB Classic Clash bekend danksy FNB se borgskap. Brandwag het tien uit die dertien Classic Clashes sedert 2006 gewen.





Brandwag in het onlangs die skool se nuwe mini-kunsgrasbaan ingehuldig. Dié veeldoelige oppervlak sal vir hokkie, netbal en tennis gebruik kan word. By die inhuldiging het die skoolhoof, Steven Zietsman, die lint geknip en daarna die eerste hou op die baan geslaan. Hy het die bal vir Zianca-Lee Swart, kaptein van die eerste hokkiespan, aangegee wat dit sonder moeite tot in die doelhok geslaan het. Die baan is ook na die skoolhoof vernoem. Nadat die lint gesny en die eerste bal geslaan is, het die eerste tennis-, netbal- en hokkiespanne die toeskouers getrakteer met drie mini-wedstryde van sewe minute elk wat onder spreiligte gespeel is. Die nuwe astro-baan huisves twee tennisbane, ’n netbalbaan en ’n mini-hokkieveld. Tot dusvêr het Brandwag se hokkiespelers geen toegang tot ’n kunsgras-oppervlak vir oefening gehad nie. Die nuwe oppervlak is dus die begin van ’n nuwe era.

’n Grootskaalse opgradering van Brandwag se krieketnette is ook tans aan die gang.









 

Rapporte kan op Donderdag 14 Maart tussen 13:00 en 14:00 of op 15 Maart vanaf 6:30 tot 8:00 deur ouers by die skool afgehaal word.





 

Vyftig deelnemers het hulle passies op die loopplank uitgestal tydens die Brandwag se jaarlikse Mnr. en Mej. Brandwag-kompetisie.

Gail Brown, van Sophisticate Models, het vanjaar vir die twintigste keer haar kundige hulp verleen en weereens vir asemrowende choreografie gesorg.

Eindelik is Steven Buchner en Tarien Lombard as Mnr. en Mej. Brandwag aangewys. Die eerste prins en prinses was Dano Swart en Bianca Swanepoel en Ben-Martin Ferreira en Jade Perie was die tweede prins en prinses.

Jonathan Scheepers en Jana Potgieter is as Mnr. en Mej. Brandwag Junior aangewys. Die junior naaswenners was Ruben Barnard en Denise Grobbelaar.

Tayla Gouws en Schalk Erasmus was die aanbieders.





nha cai uy tin , nha cai uy tin , tap chi me va be , casino truc tuyen , casino uy tin , casino tot nhat , danh bai , poker online , casino , bao ve viet nam , bao ve viet nam , suc khoe , thoi trang nam 2014 , suc khoe 2014 , shop thoi trang , tin tuc thoi trang phim le , hi tech , tin cong nghe , cong nghe , thoi su , tin moi , thoi trang , the gioi smartphone , cong nghe , may tinh bang gia re , dien thoai , su kien , game mobile , nghe si viet , the gioi nhac , nha cai , dien dan bong da , best bookies, clevermart.vn , goldcare.vn , phonereview.vn , tinhangngay.vn , sieuthisachnoi.com , doctruyentranh.tv , kinhthongminh.org , thietbithongminh.tv , sieuthithietbiso.org ,