Levert Pieterse van Brandwag is onlangs in die groep atlete ingesluit wat Suid-Afrika in Augustus by die Jeug Olimpiese Spele in Nanjing, China gaan verteenwoordig.
Hy is gekies om aan die 110m hekkies in die o.16-ouderdromsgroep deel te neem. Levert het verlede jaar by die Suid-Afrikaanse jeugkampioenskap ‘n goue medalje in 100m hekkies verower. ‘n Besering het sy deelname in die 110m hekkies belemmer. Levert het by die OP Junior Kampioenskap by NMMU ‘n tyd van 13:80 in 110m hekkies aangeteken. Levert is ook as die senior Victor Ludorum aangewys na afloop van Brandwag se interlaerbyeenkoms.
