Brandwag se voorste swemmer, Anneli Zietsman, het onlangs haar skool-swemloopbaan op ’n hoë noot afgesluit toe sy by ’n Top 8 Uitnodiging-gala uitstekend gevaar het.
Anneli, wat in matriek is, het ’n goue medalje vir vlinderslag gewen, silwer vir vryslag en twee bronsmedaljes vir rug- en borsslag onderskeidelik.
Na aanleiding van dié prestasies is sy ook as die gala se Victrix Ludorum aangewys. Anneli was ook die afgelope drie jaar die top senior swemmer onder die meisies by Brandwag se jaarlikse swemgala.
