Die klas van 2017 het altesaam 169 A-simbole opgelewer en elf leerders het gemiddelde A’s behaal. Uit die top elf het twee leerders, Lauren Hayward en Ilze van der Merwe, elk 6 A’s en Anneli Zietsman en Inge Fourie, het elk 5 A’s. Die ander top presteerders het elk 4 A’s. Hulle is Chanté Swanepoel, Charmy de Ridder, Amy Petrus, Adré Swart, Kayla Delport, Alicia de Lange en Shené Barnard.
Lauren Hayward is Brandwag se algehele toppresteerder met ’n gemiddeld van 86,42% en beplan om vanjaar rekenaarwetenskap aan die Universiteit van Stellenbosch te studeer.
Altesaam 63% van die matrieks het met toelating tot graadstudie geslaag. Die slaagsyfer is 98,9% teenoor verlede jaar se 100%.
