Brandwag het op die naweek van 22 Augustus die jaarlikse Marco Wasserman-tennistoernooi op Middelburg gewen.
Dié toernooi fokus op seunsdubbels, meisiesdubbels en gemengde dubbelspel. Brandwag het teen 6 hoërskole meegeding naamlik Middelburg, Union, Burgersdorp, PJ Olivier, Grens en Gill. Brandwag se seunsspan was Jandré Lessing (kaptein), Luan Büchner, Franco du Toit, Ricardo Mostert, KJ Botha en Monré Allers. Die meisiespan was Karli Serfontein (kaptein), Mienke Jonker, Johanné Smallberger, Anneli Zietsman, Liané Le Roux en Logan Heyns van Laerskool Albertyn.
Brandwag het skitterende tennis gespeel en 32 uit 48 wedstryde gewen.
Die uitslae was soos volg:
Brandwag wen Burgersdorp 21-19
Brandwag wen Grens 24-16
Brandwag wen PJ Olivier 31-9
Brandwag wen Union 22-18
Brandwag wen Gill 21-19
Brandwag wen Middelburg 28-12