Brandwag se eerste rugbyspan het vyf drieë gedruk om Hoërskool Despatch gemaklik 29-13 te wen. Die rustydtelling was 12-6 vir Brandwag en dit het Despatch tot binne die twee laaste minute van die wedstryd geneem om ’n drie te druk. Brandwag se ander rugbyspanne het ook almal oorwinnings oor Hoërskool Despatch aangeteken. Die tweede span en die o.14A’s se wedstryde is uit welwillendheid vroeg beëindig. Die tweede span het 67-0 gewen en die o.14A’s het ’n 63-0 oorwinning aangeteken.
