In tuindorp van Oos-Kaapland,
waar blomme weeld´rig groei,
Waar eik en jakarandaboom
langs strate lustig bloei;
Waar ossewa uit lang verleë
die weë het gebaan –
Daar het ons Alma Mater skoon;
op Brandwag trots kom staan.
Jou kinders sal jou huldig,
hul trou aan jou verpand,
hul kragte en talente wy
in diens van Volk en Land.
Die skoollied is in 1944 aanvaar. Die woorde is geskryf deur mev. Groenewald, vrou van die tweede skoolhoof, mnr. H.J. Groenewald. Die lied is getoonset deur mnr. Reuben du Plessis, een van die oudste personeellede.