Skip to content
- Netbal is meer as ´n sport by Brandwag – dis ´n leefwyse.
- Enige jong netbalspeler sal sukkel om ´n skool te kry met beter netbalafrigting as Brandwag.
- Brandwag is die enigste skool in die Oos-Kaap waar twee SA gegradeerde skeidsregters afrig. Mev. Alida Duvenhage het ´n SA A-gradering en mev. Karen Schonken SA C. Albei het ook provinsiale netbalondervinding.
- Brandwag bied ook aan spelers die geleentheid om graderings as skeidsregters te voltooi en verskeie spelers gebruik die geleentheid.
- Verskeie van Brandwag se netbalafrigters het al verskillende spanne afgerig wat aan die SA uitkloptoernooi deelgeneem het.
- Van Brandwag se netbalafrigters is provinsiale keurders of het posisies in OP en metro-netbal.
- Oudskolier en Protea-netbalspeler Sameshia Esau verleen gereeld hulp met afrigting.
- Brandwag-netbal het noue bande met Protea-afrigter Elize Kotze, Protea-speler Erin Botha en oudprotea-spelers Patrys Basson en Lana Krige wat almal al by Brandwag met afrigting gehelp het.
- Brandwag lewer jaarliks verskeie OP spelers.
- Netbalspelers neem jaarliks aan verskeie uitnodigingstoernooie deel en onderneem verskeie toere bo en behalwe gereelde ligawedstryde.
