Toegangskaartjies vir die Anibrandfees van 2014, op 28 Februarie en 1 Maart, is reeds vanaf verskeie verkoopspunte beskikbaar. Feesgangers kan by Hoërskool Brandwag, Daniels Service Station op Uitenhage, Despatch Total en die Westway Kafee in Port Elizabeth kaartjies koop teen R90 per dag vir volwassenes en R50 per dag vir skoliere. ’n Spesiale VIP-kuierplek is voor die verhoog beskikbaar teen R200 per kaartjie. Dié area het ’n eie kroeg en ablusiegeriewe. VIP-kaartjies is slegs by Brandwag beskikbaar.
Kaartjies vir die Anibrandfees Afskop met DJ Ossewa op Donderdag 27 Februarie is by Brandwag beskikbaar teen R50 per persoon.
Die vermaak by vanjaar se Anibrandfees sluit in Emo Adams, Theuns Jordaan, Steve Hofmeyr, Kurt Darren, Lianie May, Die Campbells en Adam.
Meer inligting is beskikbaar by www.anibrandfees.co.za.
