Brandwag se eerste netbalspan is die beste skole-netbalspan in die metro en in die hele westelike deel van die Oos-Kaap nadat hulle alle omliggende opposisie oortuigend verslaan het.
Brandwag se eerste span het vanjaar in die o.18-afdeling van die Nasionale Netbal Uitkloptoernooi deelgeneem. Die span het hulself as kampioen van die Nelson Mandela Metropool bewys nadat hulle Framesby in die uitspeelwedstryd 28-25 geklop het. Dit was Brandwag se tweede netbal-oorwinning oor Framesby in dieselfde week nadat Brandwag ook tydens interskole vir Framesby 26-24 verslaan het.
In ’n verdere uitspeelwedstryd het Brandwag die ander streekwenner Nico Malan 29-15 verslaan.
