Brandwag het Daniel Pienaar in die jaarlikse Classic Clash tussen dié skole 31-8 afgestof. Dit was Brandwag se derde agtereenvolgende oorwinning oor DP en sewende wen uit agt Classic Clash-wedstryde sedert 2008.
Brandwag se kaptein Stefan Janse van Vuuren het sy span ook vir die derde jaar na oorwinning oor DP gelei. Onderkaptein Brandon O’Neill het ook in sy derde Classic Clash gespeel.
Losskakel Christian Berry het vier strafskoppe en twee verdoelskoppe aangeteken. Brandwag se drie drieë is gedruk deur vleuel Davian Swanepoel (twee) en skrumskakel Brandon O’Neill.
Die rustydtelling was 23-3 vir Brandwag.
