Die eerste rugbyspan van Brandwag in het die seisoen op ’n hoë noot afgesluit met ’n 63-22 oorwinning oor die Hoërskool Pearson van Port Elizabeth.
Brandwag het nege drieë aangeteken. Die span se kaptein, agsteman Jarred Comley, het telkens die voordeellyn oorgesteek en twee drieë aangeteken. Brandwag se ander drieë is aangeteken deur Ryben Dupont (2), Kyle Erasmus, Krynauw du Plessis, Dean Truter, Gideon Serfontein en Terence Goliath. Daniel Smith het al nege drieë verdoel.
Vir Pearson het Ryan Windvogel, Micaiah Coltman en Taine-Josh Thorne drieë gedruk. Chadwin Spiers het ’n strafskop aangeteken en Micaiah het twee drieë verdoel.
